المنتدى يهدف إلى التعريف بقرية الجوش الليبية ولإهداف علمية وثقافية ورياضية وغيرها
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الصاحب ان تما من اجواد لشاعر رجب الهرام الفاخري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 36
تاريخ التسجيل : 28/01/2009

مُساهمةموضوع: الصاحب ان تما من اجواد لشاعر رجب الهرام الفاخري   الأربعاء فبراير 04, 2009 7:16 am

يقول الشاعر
الصاحب ان تما من اجواد اصيله === يدير بجوده يجود كي تشكيله

يجود بجوده === لصاحب ان تما من اجواد ودوده

يدير بزينه فيك يوم اقصوده === بحملك يهم وهو تقيل يشيله

وان واعد يكون صريح في موعوده === يوفي بمو قايل بعد توفيله

ويوقف معاك بما تجيب اجهوده === بموقف رجولي فيه جابد حيله

يتبت بفعله للكلام وجوده === ماف الحديث تسيرله تبديله

ما يلين لازادن عليه اكيوده === عزمه حديد ومن دكير اصطيله

شديد عزم ما لسع لقيث اضدوده === كبير عقل وازن ما اهناك متيله

كلامه عسل يمسح الغيض انكوده === يداوي لهم وم القلوبب يزيله

للخايف عنا وحما يرد صيوده === يهدن علي شان المجاور خيله

ويقسم عليه ان جاع من ميجوده === اجوادي علي صيته يعز قبيله

عنده سية الصاحيب مي معدوده === يشيل عالدبرفوق الحمول تقيله

وان فيه زنت لك بضعفها مردوده === وان ززان فيك ما يحسب عليك جميله

شفاه للجريح الغايبات اضموده === حنون ع اليثيم وللغريب عزيله

اصيل خال واب منسلين جدوده === ع الجود والعصر ناشي رضي م العيله

والزين زين لو حطن عليه لحدوده === حتي لو غبي يقعد الصيت بديله

رصيد عز يبقاله ولد مولوده === وبيه يفتخر ما يندقر في جيله

يعد اللوم === الصاحب ان تما من اجواد اقروم

يدير بحيل اجهده ع المضيوم === نهار فيه تشلي شارقه التليله

انعالها رقا فوق منها يحوم === رماته مع القز عدا دقيله

متجوشنه علي سوق حامي مشوم === خشاته وهو فيه تايب تقيله

مداعيه وفارسها شديد اعزوم === ما حرنت لاهو هاب دون اكحيله

بايع الروح اطلوق باضعف سوم === عصران نفس ما يرضي حياة دليله

سوا يفكها من وسط نار القوم === والا يهون راسه دونها الخويله

نين ردها ومراحه متموم===علي نجع ماعمره اطري بنديله

اكرام هله ديمما ضيفهم معزوم === ع الجود وعصاره هل عناه طويله

مشهورين في لدوار وين الروم === غزاهم بجيش مدافعه وببغيله

مامن نهار ابقي تقول غيوم === دخانه وناره ف الحديد شعيله

ومامن معنا وين صار هجوم === اداعي متيل الصقر لا جليله

تاريخ كاتبين سطورته بدموم === مالدهر منه يمتحي تسجيله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aljouch.ahlamontada.com
 
الصاحب ان تما من اجواد لشاعر رجب الهرام الفاخري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الجوش :: كل شئ :: الثقافة و فن :: الشعر الشعبي-
انتقل الى: