يقول الشاعر
عيب الدهر ما يستر قفا == وعيب الدهر قلاب البشر
وعيب الجهد وعرق الحيا== يمشو غيم علي روس القور
وعيب النار تطايح هبا=== تخلي رماد ما تخلي الجمر
وعيب الفم زلات اللغا=== وعيب الصدر ما يحجب السر
وعيب العمر وسنين الحيا=== يمشو لهو في طفرةغرر
وعيب البير من قلة الماء=== وكسر الجابيه وطول المجر
وعيب البل من قل الوقا=== تهز حمول فوق من الدبر
وعيب الزاد من كل الرحا=== وكل المتن من نتل الحجر
وعيب الغسق في ليل ان دنا=== وعيب الليل في غياب القمر
وعيب الرجل من قصر الخطا=== وعيب العين من قصر النضر
وعيب النفس ترضي بالصغا=== وتابا العيش ما بين الحفر
وعز النفس عشاقة غلا=== حتي ولو هيا تحتضر
وعز النفس هيا عاللظا=== عصية الدمع ما منها قطر
وعز النفس ممن فن اختشي=== خاف الله من يوم الحشر
وعز الراس عمره ما انحني=== لغير الله ما يركع يخر
وعز الطلب في مولي الرجا=== ويحيي العضم من بعد اندتر
ويحي الناس من بعد الفنا=== ويخلص دين من داين اغبر
وعز الرعد في مزن التغي=== يكندر كيف حمال الكدر
لونه ليل والفوة سوا=== عتمة ليل في عقاب الشهر
بروقه فيه تتخانق ضيا=== غرة وجه في سواد الشعر
وسيله فيه يداعك جري=== ويدحس فوق م العالي طفر
وغم الوطن م بعد الجفا=== ينقرض سيلها داير مكر
وعز الطبب من نفسه نهي=== دون العيب من طايل اقصر
وعز البيث في فجوج الخلا=== ناره امل في ليل السحر
وعز الجود م الموجود جا=== بشاشة وجه تكفي ما حضر
وعز الصايبه لاهل الوفا=== حمالين لاتقال السفر
وعز الدرب جياب التنا=== وعز االخيل فرسان العصر
وعز النقش ف اقلام البرا===تكتب مجد وادون خبر
وعز السيف في يوم الوغي=== منين الروس تمشي عااشفر
وعز العمر في مواقف دكا=== وروح العز في نفوس البشر
وشمعه تحترق لاجل البقا=== ولاجل الغير تضوي وتستعر
وتبني مجد في روس العلا=== وتضوي ادروب في اوغال الوعر
وعز العمر في ملاطم اعداء=== بين الدم وسيوف البتر
وفوق ضهور موجات السرا=== ديما المجد في ركوب الخطر
ومن هو ينال من سيف الفلا=== مرصع مجد ومتموج فخر
وعز الموت في ساحة فداء=== بين جيهات ممتبادل الكر
فداء للوطن من ناوي نوي=== يدل الدين ويقيمو العبر
وعيب الدل ما طول حيا=== وعمر الدل مايوم انستر
وعيب الدرب من طول الجبا=== وقل االرفق في مهايع البر
وتبكي العين يا زايد العطا=== وتدرف دمع متهايل يسر
وتبكي مجد داسوه الاعداء===تبكي العين وتبكي الحجر
تبكي وطن متبعتر اجزاء=== وبعد العز ضاموه انحقر
وفينا يدبحو كيف القطا=== فينا للين خنجرهم ادمر
في فلسطينا ندفن احيا=== وفي عراقنا الدم انحدر
وين سيوفنا عز القضا=== فيهم حكمنا سابق صدر
وينه خيلنا مجد الوراء=== جنوب وشرق وشمال البحر
وين ابطالنا يوم الفنا=== منينه دمنا داير اغدر
المعز ما وصله النبا=== وين زيادماجاه الخبر
والا خاف يتكرر خطا=== حرق السفن دنبا لااغتفر
وين عباد يبدو ما وعي=== وين تشفين متكاسل افتر
والمنصور في وادي ناي=== باد الغمدوالسيف انقبر
وين جيوشنا هاهي العتتا=== وجه الوجه مافيها مفر
وين جيوشنا هاهي العتا=== تحاصر زيد وادمر عمر
وين جيوشنا هاهي العتا=== تكتم صوتنا قالو جهر
وين جيوشنا هاهي العتا=== تبغي النفظ واكليل الزهر
وين جيوشنا السيل الزبا=== فات الحد وتجاوز الفر
احني اف حطين في وجه الطغا=== وقلب الاسد في جيوشه نفر
وموعد بينا غدوة الضحا=== صلاح الدين غيب ماحضر
وين المعتصم يوم الندا=== والا خاف من نجما ضهر
والاالبيض من شرب الدما===فلل متنهاسوس ادمر
والا نوم من جفنه غفا ===راحت نوم من طول السهر
خايف غرروا بيه العصا===راحت نوم من اجل الغرر
يرقد كيف والامه اشلاء===فسيفساء من عابد اثر
يرقد كيف وضالين الهدي===عرابين تستمطر غفر
يرقد كيف واماقي لنساء===ملء الجفن رقراق انحدر
يرقد كيف وسويس القنا ===منهاالغدر لاهلنا عبر
من لعداء نصبنا حما===ومن لدياب امنا الغدر
يرقدكيف ومدابح قنا ===وصوتاطفال ديما يستجر
يرقد كيف وهولاكو طغا ===يبيد البشر بدوهوالحضر
يرقد كيف واحنا في كربلاء===يسفك دمنا دجله غمر
يرقد كيف والبصره شوي ===مالعلماءوافطاط الضور
يرقد كيف والماضي انتهي === والتاريخ ما سجل نكر
والا مختبي خاف اختبا===من سكار حانات السكر
كل الضن الاها الضن لا === زعيم وبطل يركن للخور
لازم نوم من طول العنا === وطول النوم منطول السهر
هاهي اهبث بيه الحشا ===لست تكلي ماتنجب عصر
يحرر صبح ويحرر مساء === فيه ايحاصرولكن اكبر
وخاطب شعبنا شعب الحفا === من تطوان حتي لي قبر
يا بركان يكفي من طغا ===يكفي النوم انهض يا قدر
هاهوتاق من زمن الاقصي ===وداني الزمن والحاضر